Koaka lhia kanakairi phaa?

Oopika heekoapi nodzeena nasalaniriko nhaa paana ikadzeekatakakape ayaha Pamaalinomanaa. Liphontte wawaka wakapawa pada waanheenda, nookeeta nokapa kattimaka nhaa madaliperitsa. Kadzokadanako, nottathakhapani nhaa. Koaka lhia kanakairi phaa, lhia Nameka paanhe oo yanhekhetti matsiadalitsa?

” Nolhio nhoa lhia Nameka paanhe”-liako paita. Doromepha, ” Kadzotsakha nolhio nhoa, lhiepaka lhia pada, ima kadzokadani paama phaa paanheeka koakadaka”-lhiepa lhia pada. Nokaitekapani nheema koameka nahistoriani nhaa kaanhekaperi pakadzeekatakali inako, Nheette naakeeta naanhee nokapa.

Manopewali whaa ikadzeekatakape wapedzo wakadaaka nadana hoore nhaa wakadzeekatanipe, kadzokaro apapiniri maanheekaka nawa, waatseta nhaa kadzo, nheette naama kadzomintsa. Kadzo tsipalanai dzo. Nheette whaa ikadzeekatakape kadzo tsakha.

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s