Conselho Kaali

Mendzamitsa, 20 a 24 ka agosto, whaa Baniwanai wawakeetakawa Ttonowiriko kaako karo whaa iakottinai kanakaiperi walhio oo kanakaiperi wadeenhika weemakawaliko. 

Wakaitepe wapidzawaaka koadzokeena poadzaka oo waakatsawa wapeedzalhewa linako matsiaka peemaka padzakalerio wakeñoakadzami lhia wawakeetakakawa wapidzawaaka wadeenhikaro. Kadzo ideenhikhettiapani nheette ikadzeekataakakhetti nako tsakha. 

Nakaitepe whema linako lhia ideenhikhetti  nanakodali nhaa wanheekhe wadeenhixoopa nheette weemaxoopa hekoapiali, kadzo kiniki, nheette phiome nhaa linakoapaninaa nheette lideenhikanaa. Kanakaidali walhio wattaitakaro wakhedzakota lhia iwapiñeetakhetti nheette iakotti linakodali lhia kanakaika wamatsiataka weemakawa nheette wadzeneetaka naawa nhaa ianhekhetti nalhio nhaa walimanai. 

Kadzodali ima wakeñoa Conselho Kaali kaakokarodawa whaa phiome nhaa iakotti, wattaitakaro wadeeka lipeedzalhewa lhia ideenhikhetti wapidzawaaka whaa wakoenai.

Kaako tsakha whaa linako attiapani, ideenhikhetti mendzamidalitsa ikeñoa wemakawaliko. Da hore iakokitti. 

Anúncios

Deixe um comentário

Preencha os seus dados abaixo ou clique em um ícone para log in:

Logotipo do WordPress.com

Você está comentando utilizando sua conta WordPress.com. Sair / Alterar )

Imagem do Twitter

Você está comentando utilizando sua conta Twitter. Sair / Alterar )

Foto do Facebook

Você está comentando utilizando sua conta Facebook. Sair / Alterar )

Foto do Google+

Você está comentando utilizando sua conta Google+. Sair / Alterar )

Conectando a %s